Sports
News Home » Browse News » កម្ពុជា​ឈ្នះ​បាន​មេដាយមាស​ទី៤​ពីព្រឹត្តិ​ការណ៍​ស៊ី​ហ្គេម​លើក​ទី​៣១​នៅ​វៀត​ណាម

កម្ពុជា​ឈ្នះ​បាន​មេដាយមាស​ទី៤​ពីព្រឹត្តិ​ការណ៍​ស៊ី​ហ្គេម​លើក​ទី​៣១​នៅ​វៀត​ណាម

By Sexy Annie
Nov 16,2022
យោងតាមលទ្ធផលនៃការប្រកួតកីឡាស៊ីហ្គេមលើកទី៣១ ដែលប្រកាសឱ្យដឹងពីគណៈកម្មាធិការ​ជាតិ​អូឡំាពិក​កម្ពុជា ឱ្យ​ដឹង​ថា មេដាយ​មាស​ទី៤​ដែល​កម្ពុជា​ដណ្តើម​បាន​​ នៅ​​ថ្ងៃនេះ គឺ​ប្រភេទ​កីឡាតេក្វាន់ដូ WT កីឡាករ វ៉ា មិថុនា ទទួលបានមេដាយមាស លើប្រភេទវិញ្ញាសាបុរស Kyorugi ទម្ងន់​ក្រោម ៧៤​គីឡូក្រាម។ កីឡាករកម្ពុជារូបនេះ បានយកឈ្នះលើកីឡាករហ្វីលីពីន នៅក្នុងវគ្គផ្តាច់ព្រ័ត្រនៅល្ងាចថ្ងៃនេះក្នុងលទ្ធផល៣៥-១៤។ ចំណែកមេដាយមាសទី៣ ដែលកម្ពុជាបានឈ្នះនៅថ្ងៃនេះដែរ គឺប្រភេទកីឡាវ៉ូវីណាម ទទួលបានមេដាយមាសលើវិញ្ញាសាសម្ដែងការពារខ្លួនចម្រុះ នារី១ បុរស៣ មានអាវុធ ជាមួយពិន្ទុ២៦៩។ ក្រុមកីឡាករដែលឈ្នះបានមេដាយមាសលើវិញ្ញាសារសម្តែងជាក្រុមនេះ រួមមាន កីឡាការិនី ប៉ាល់ ឆរស្ម៊ី រួមជាមួយ កីឡាករ លី បូរ៉ាមី, ជ្រិន ប៊ុនឡុង, កីឡាករ ប្រាក់ សុវណ្ណនី។ គិតត្រឹមថ្ងៃទី១៨ ខែឧសភានេះ កម្ពុជាឈ្នះបានមេដាយមាសចំនួន៤ បន្ទាប់ពីកីឡាករឃីកបុកស៊ីង ទូច រ៉ាឆាន់ និងក្រុមប៉េតង់វាយគូចម្រុះ៕

More Related News