ដោយ:ដេប៉ូ/ភ្នំពេញ៖ម្ចាស់ចែកចាយផលិតផល ឬសូម្បីតែផលិតផលដែលផលិតផ្ទាល់ខ្លួនក្តី ចាំបាច់ណាស់ត្រូវតែមានការចុះបញ្ជីដើម្បីឱ្យស្របតាមផ្លូវច្បាប់ និងពិសេសបំផុតនោះគឺផ្តល់នូវទំនុកចិត្តដល់អ្នកប្រើប្រាស់ដែលជាអតិថិជនមានជំនឿទុកចិត្តប្រើប្រាស់បានយូរអង្វែងទៀតផង។នេះគឺជាការបញ្ជាក់ពីសំណាក់ លោកបណ្ឌិត ឡី សុភាព ប្រធានសមាគមសហព័ន្ធ ការពារអ្នកប្រើប្រាស់នៅកម្ពុជា ។
ថ្លែងក្នុងពិធីប្រកាសចុះបញ្ជីផលិតផលធំៗ ចំនួន៤មុខ នៃក្រុមហ៊ុនពេញវង្ស ក្នុងកម្មវិធីប្រកាស ការចុះឈ្មោះផលិតផលក្នុងបញ្ជី របស់សមាគមសហព័ន្ធការពារ អ្នកប្រើប្រាស់នៅកម្ពុជា នៅសាលអគារ The Grand Terrace ខណ្ឌទួលគោក រាជធានីភ្នំពេញ នាថ្ងៃទី២៦ ខែមេសា ឆ្នាំ២០២២ លោកលោកបណ្ឌិត ឡី សុភា បានឱ្យដឹងថា ក្នុងថ្ងៃនេះជាថ្ងៃទំព័រប្រវត្តិសាស្ត្រ នៅកម្ពុជា ដែលយើងចាប់ផ្តើម ចុះបញ្ជីផលិតផលជាផ្លូវការ ក្រោយពីរាជរដ្ឋាភិបាល បានប្រកាសច្បាប់ កិច្ចការពារអ្នកប្រើប្រាស់រួចមក។នៅថ្ងៃទី២៦ខែមេសាឆ្នាំ ២០២២នេះយើងចាប់ផ្តើមចុះបញ្ជី ជាលើកដំបូង ដើម្បីជូនទៅដល់សារព័ត៌មានជាតិ និងអន្តរជាតិដឹងថា កម្ពុជានឹងចាប់ផ្តើមតម្រង់ទិស ទាក់ទងទៅនឹងផលិតផលនៅកម្ពុជា ។ បើគ្មានយន្តការ នៃកិច្ចការពារនេះទេ ប្រជាពលរដ្ឋ នៅពេលប្រើប្រាស់ ផលិតផលណាមួយ មិនអាចដឹងច្បាស់ទេ ថាផលិតផលណាពិតប្រាកដ ផលិតផលណាមួយក្លែងក្លាយ។
ក្នុងពិធីនេះដែរ លោកបណ្ឌិត ឡីសុភាពក៏បានបញ្ជាក់ជុំវិញពីតួនាទីរបស់សមាគមដែលចាំបាច់ត្រូវធ្វើការ ជាតំណាងឲ្យប្រជាពលរដ្ឋ និងសមាគមគាំទ្រដល់រាជរដ្ឋាភិបាល ។ទន្ទឹមជាមួយគ្នាសមាគមក៏ចាំបាច់ត្រូវ ឈរលើការការពារ នៅលើម្ចាស់ទំនិញ ដែលនាំឲ្យសមាគម ក្លាយជាសមាគមឯករាជ្យមួយ ដែលបានយកច្បាប់ជាតិ និងច្បាប់អន្តរជាតិជាគោល ហើយមានការសហការជាមួយ ឡាបូរជាតិ និងអន្តរជាតិ ដើម្បីធ្វើការផ្ទៀងផ្ទាត់ ដើម្បីឲ្យមាននិរន្តរភាព ។
លោកប្រធានសមាគមសហព័ន្ធ ការពារអ្នកប្រើប្រាស់នៅកម្ពុជា ក៏បានបង្ហាញពីផ្លូវច្បាប់នូវភាពស្របច្បាប់ពេញលេញ នូវរាល់ផលិតផលទាំងឡាយ ដែលបានចុះបញ្ជីរួចរាល់ និងប្រៀបបានជាឯកសារផ្លូវច្បាប់ សម្រាប់ផ្តល់នូវទំនុកចិត្តខ្ពស់ ទៅដល់អតិថិជនអ្នកប្រើប្រាស់ ព្រមទាំងមានសារសំខាន់ និងជាមោទនភាព ទៅដល់ភ្នាក់ងារចែកចាយនីមួយៗ ដែលបញ្ជាក់ថា ទំនិញទាំងនេះ បានចុះបញ្ជីធ្វើការប្រើប្រាស់ ។
លោកបណ្ឌិត ឡី សុភាព បានធ្វើការកត់សម្គាល់ដោយបញ្ជាក់ឱ្យដឹងបន្ថែមថា “ខ្ញុំសុំបញ្ជាក់ថាបើកាលណាដែលទំនិញមួយ ត្រូវបានចុះក្នុងបញ្ជីរួចរាល់ហើយ ទំនិញនោះនឹងអាចក្លាយជា តំណាង នៃរបស់ផលិតផលផ្សេងៗ ឬអាចនិយាយបានម្យ៉ាងទៀតថា ទូតសុច្ឆន្ទៈមួយ”៕srn
