Sports
News Home » Browse News » ប្រទេសជប៉ុន​អបអរសាទរ​កម្ពុជា​ក្នុង​ការ​ចុះ​បញ្ជី​គុនល្បុក្កតោ​ជាតំណាង​បេតិកភណ្ឌ​វប្បធម៌​អរូបី​នៃ​មនុស្សជាតិ​របស់​អង្គការ​យូណេស្កូ

ប្រទេសជប៉ុន​អបអរសាទរ​កម្ពុជា​ក្នុង​ការ​ចុះ​បញ្ជី​គុនល្បុក្កតោ​ជាតំណាង​បេតិកភណ្ឌ​វប្បធម៌​អរូបី​នៃ​មនុស្សជាតិ​របស់​អង្គការ​យូណេស្កូ

By Jinny Chad
Dec 02,2022

ប្រទេសជប៉ុន​បាន​សម្តែង​ការ​អបអរសាទរ​ដល់​ប្រជាជន​កម្ពុជា​ក្នុងការចុះបញ្ជីគុនល្បុក្កតោ​រជា​តំណាង​បេតិកភណ្ឌ​វប្បធម៌​អរូបី​នៃ​មនុស្សជាតិ​របស់​អង្គការ​យូណេស្កូ។

ស្ថានទូតជប៉ុនប្រចាំកម្ពុជាបាននិយាយថា “យើងសូមថ្លែងអំណរគុណចំពោះការខិតខំប្រឹងប្រែងរបស់រាជរដ្ឋាភិបាលកម្ពុជា និងសហគមន៍ គ្រូគុនល្បុក្កតោ និងសិស្សានុសិស្សក្នុងការអភិរក្ស បង្កើនតម្លៃ និងការលើកកម្ពស់ល្បុក្កតោនេះ”។

ទន្ទឹមឹនងនេះ ស្ថានទូតចិនប្រចាំកម្ពុជា ក៏បានចូលរួមអបអរសាទរចំពោះការចុះបញ្ជីនេះផងដែរ។

គុនល្បុក្កតោ​រត្រូវ​បាន​ចុះ​ក្នុង​បញ្ជី​តំណាង​នៃ​បេតិកភណ្ឌ​វប្បធម៌​អរូបី​នៃ​មនុស្សជាតិ​នៃ​អង្គការ​យូណេស្កូ ក្នុង​សម័យ​ប្រជុំ​លើក​ទី​១៧ នៃ​គណៈកម្មាធិការ​អន្តររដ្ឋាភិបាល​សម្រាប់​ការ​ការពារ​បេតិកភណ្ឌ​វប្បធម៌​អរូបី​នៅ​ទីក្រុង​រ៉ាបាត ប្រទេស​ម៉ារ៉ុក កាលពី​ថ្ងៃទី២៩ ខែវិច្ឆិកា។

Kun Lbokator គឺជាក្បាច់គុនមួយមានអាយុកាលតាំងពីសតវត្សទី១។ វាមានគោលបំណងអភិវឌ្ឍកម្លាំងផ្លូវចិត្ត និងរាងកាយ និងវិន័យរបស់អ្នកហាត់ តាមរយៈបច្ចេកទេសការពារខ្លួន និងទស្សនវិជ្ជានៃការអហិង្សា។ ការបណ្តុះបណ្តាលគុនល្បុក្កតោ មិនត្រឹមតែអំពីបច្ចេកទេស និងជំនាញរាងកាយប៉ុណ្ណោះទេ ថែមទាំងបង្រៀនអំពីវិន័យផ្លូវចិត្ត អំពីរបៀបគោរពធម្មជាតិ និងអាកប្បកិរិយាប្រកបដោយសុជីវធម៌ក្នុងសង្គមផងដែរ។

មកទល់ពេលនេះ កម្ពុជាបានចុះបញ្ជីរមណីយដ្ឋានអង្គរ របាំព្រះរាជ្យទ្រព្យ ល្ខោនស្បែកធំ  ប្រាសាទព្រះវិហារសតវត្សទី១១ ល្បែងទាញព្រ័ត្រ ចាប៉ីដងវែង ប្រាសាទសំបូរព្រៃគុក ល្ខោនខោល ក្នុងបញ្ជីបេតិកភណ្ឌពិភពលោក៕ AKP-Phal Sophanith

More Related News