World
News Home » Browse News » ៩៩ ភាគរយនៃអ្នកផ្ទុកមេរោគអេដស៍ដែលបានចុះបញ្ជីនៅកម្ពុជា ទទួលបានថ្នាំប្រឆាំងមេរោគអេដស៍ដោយឥតគិតថ្លៃ

៩៩ ភាគរយនៃអ្នកផ្ទុកមេរោគអេដស៍ដែលបានចុះបញ្ជីនៅកម្ពុជា ទទួលបានថ្នាំប្រឆាំងមេរោគអេដស៍ដោយឥតគិតថ្លៃ

By Jinny Chad
Dec 02,2022

លោកនាយករដ្ឋមន្ត្រី ហ៊ុន សែន បានថ្លែងក្នុងសារអបអរសាទរទិវាជំងឺអេដស៍ពិភពលោកកាលពីថ្ងៃព្រហស្បតិ៍ថា ៩៩ភាគរយនៃអ្នកផ្ទុកមេរោគអេដស៍ដែលបានចុះបញ្ជីនៅកម្ពុជា បានទទួលថ្នាំប្រឆាំងមេរោគអេដស៍ដោយឥតគិតថ្លៃ។

លោកបានបន្តថា “ប្រទេសកម្ពុជាត្រូវបានទទួលស្គាល់ថាមានអត្រាព្យាបាលអ្នកផ្ទុកមេរោគអេដស៍ ៩៩ ភាគរយខ្ពស់ជាងប្រទេសធំៗមួយចំនួនក្នុងតំបន់អាស៊ីប៉ាស៊ីហ្វិក។

លោកបានបន្ថែមថា “គិតត្រឹមត្រីមាសទី២ ឆ្នាំ២០២២ មានអ្នកផ្ទុកមេរោគអេដស៍ចំនួន ៦៣,៦១០ នាក់ ដែលបានទទួលថ្នាំប្រឆាំងមេរោគអេដស៍ដោយមិនគិតថ្លៃពីមន្ទីរពេទ្យរដ្ឋ” ។

ទន្ទឹមនឹងនេះ លោក ហ៊ុន សែន ក៏បានអំពាវនាវដល់ក្រសួង និងស្ថាប័នពាក់ព័ន្ធ ព្យាយាមស្វែងរកអ្នកផ្ទុកមេរោគអេដស៍ប្រមាណ ១១,០០០នាក់ ដែលមិនទាន់មកទទួលសេវាព្យាបាល។

លោកបានបន្ថែមទៀត​ថា កម្ពុជា​ប្ដេជ្ញា​លុប​បំបាត់​មេរោគ​អេដស៍​និង​ជំងឺ​អេដស៍​អោយបានត្រឹម​ឆ្នាំ​២០២៥៕ Xinhua

More Related News