Entertainment
News Home » Browse News » លោក ហ៊ុន សែន តេស្ត​វិជ្ជមាន​កូវីដ១៩ ពេល​ធ្វើ​ដំណើរ​ដល់​ប្រទេស​ឥណ្ឌូណេស៊ី

លោក ហ៊ុន សែន តេស្ត​វិជ្ជមាន​កូវីដ១៩ ពេល​ធ្វើ​ដំណើរ​ដល់​ប្រទេស​ឥណ្ឌូណេស៊ី

By Jinny Chad
Nov 16,2022

លោក​នាយក​រដ្ឋមន្ត្រី ហ៊ុន សែន បាន​សម្រេច​វិល​ត្រឡប់​មក​កម្ពុជា វិញ ក្រោយ​ពេល​គ្រូពេទ្យ​ឥណ្ឌូនេស៊ី​រក​ឃើញ​ថា លោក​វិជ្ជមាន ឬ​ឆ្លង​កូវីដ-១៩ នៅមុន​កិច្ច​ប្រជុំ G20 នៅ​កោះ​បាលី ប្រទេស​ឥណ្ឌូនេស៊ី។ អ្នក​ជំនាញ​អំពាវនាវ​ដល់​ពលរដ្ឋ​ខ្មែរ​កុំ​ភ្លេច​ខ្លួន និង​រក្សា​គោលការណ៍​សុខាភិបាល ដើម្បី​ជៀស​ផុត​ពី​ជំងឺ​កូវីដ-១៩។

លោក នាយក​រដ្ឋមន្ត្រី ហ៊ុន សែន សម្រេច​ដឹកនាំ​មន្ត្រី​រដ្ឋាភិបាល​ត្រឡប់​មក​កម្ពុជា​វិញ ដោយ​ប្រគល់​តួនាទី​តំណាង​អាស៊ាន​ទៅ​ប្រទេស​ឥណ្ឌូណេស៊ី​ដើម្បី​ជជែក​ការ​ងារ​បន្ត ដោយ​សារ​គ្រូ​ពេទ្យ​ឥណ្ឌូនេស៊ី​បញ្ជាក់​លទ្ធផល​ថា លោក​វិជ្ជមាន​កូវីដ-១៩។ លោក ហ៊ុន សែន បញ្ជាក់​ថា លោក​មិន​បាន​ដឹង​ថា មេ​រោគ​កូវីដ-១៩ ឆ្លង​ចូល​ក្នុង​ខ្លួន​ចាប់​តាំង​ពី​ពេល​ណា ពី​ព្រោះ​មុន​ពេល​លោក​ចេញ​ពី​កម្ពុជា​បាន​ធ្វើតេស្ត​រាល់​ថ្ងៃ ជាពិសេស​មុន​ពេល​ចេញ​ដំណើរ​ទៅ​ប្រទេស​ឥណ្ឌូនេស៊ី​បាន​ធ្វើតេស្ត​រហ័ស (Rapid Test) ដោយ​អវិជ្ជមាន និង​មិន​មាន​អាការៈ​ចម្លែក​ឡើយ។ ទោះ​យ៉ាង​ណា​ក្ដី លោក ហ៊ុន សែន អះអាង​ថា​នឹង​បន្ត​ធ្វើ​ការ​ធម្មតា​លើក​លែង​តែ​ការ​ទទួល​ជួប​ភ្ញៀវ។

ប្រធាន​អង្គភាព​អ្នក​នាំ​ពាក្យ​រដ្ឋាភិបាល​លោក ផៃ ស៊ីផាន ប្រាប់​វិទ្យុ​អាស៊ី​សេរី​ថា រហូត​មក​ដល់​ពេល​នេះ​ទោះ​បី​លោក​នាយក​រដ្ឋ​មន្រ្តី សែន សែន វិជ្ជ​មាន​កូវីដ-១៩ យ៉ាង​ណា​ក្តី តែ​ស្ថានភាព​សុខភាព​នៅ​តែ​ល្អ ហើយ​កម្លាំង​នៅតែ​រឹងមាំ​ធម្មតា។ លោក​បញ្ជាក់​ថា​តាម​នីតិ​វិធី បើ​សិន​បញ្ហា​កូវីដ-១៩ នាំ​ឱ្យ​រដ្ឋមន្ត្រី​មិន​អាច​បំពេញ​ភារកិច្ច​របស់​រដ្ឋាភិបាល​បាន​នោះ គឺ​លោក ស ខេង បន្ត​បំពេញ​តួនាទី​ជា​នាយក​រដ្ឋ​មន្ត្រី​ស្ដីទី​ដដែល៖

More Related News