ក្បួនរកមាសឬទ្រព្យសម្បត្តិទាំង ៥ យ៉ាងរបស់លោកសមូហកបណ្ឌិតឡី សុភាព ប្រធានសហព័ន្ធវិនិយោគិនកម្ពុជា

លោកសមូហកបណ្ឌិត ឡី សុភាព គឺតែងតែដឹកនាំ វិនិយោគិន សហគ្រិន ពាណិជ្ជករ អាជីវករ សិប្បករ យុវជន  និងប្រជាជន ធ្វើជំនួញ។ ធ្វើពួកគេមានទ្រព្យសម្បត្ដិស្ដុកស្ដម្ភដោយសារពួកគេឲ្យតម្លៃទៅលើ សុខភាព ទ្រព្យសម្បត្ដិ និងសុភមង្គល។ ពួកគេមានបច្ចេកទេសក្នុងការគ្រប់គ្រងប្រាក់ ទ្រព្យសម្បត្ដិ និងសុខភាពយ៉ាងមានប្រសិទ្ធិភាពបំផុត ដូច្នេះហើយទើបពួកគេមានអ្វីគ្រប់យ៉ាងដែលខ្លួនចង់បាន។
ខាងក្រោមនេះគឺជាក្បួនរកមាសប្រាក់ ឬទ្រព្យសម្បត្តិទាំង ៥ យ៉ាង៖

ក្បួនរកមាស ឬទ្រព្យទី១៖ មាសកើតឡើងដល់ជនណាដែលដកប្រាក់ចំណូលយ៉ាងតិច ១០ ភាគរយ ដើម្បីសន្សំធ្វើជាដើមទុនសម្រាប់ថ្ងៃអនាគត។ ជនណាដែលដកប្រាក់ចំណូលយ៉ាងតិច ១០ ភាគរយ ដើម្បីសន្សំទុនជាប់មិនដាច់ និងវិនិយោគប្រាក់សន្សំនោះដោយឈ្លានវៃ គេប្រាកដជាមានប្រាក់ដើមទុនប្រើប្រាស់ដើម្បីបង្កើតប្រាក់ចំណេញនៅថ្ងៃអនាគត ព្រមទាំងអាចធានាសុវត្ថិភាពដល់គ្រួសាររបស់ខ្លួនថែមទៀតផង។ ក្បួននេះបញ្ជាក់ថា មាសឬទ្រព្យតែងតែចូលចិត្ដមនុស្សប្រភេទនេះ។ តាមបទពិសោធន៍របស់លោកសមូហកបណ្ឌិតឡី សុភាព បានអោយដឹងថា នៅពេលគាត់រកមាសឬទ្រព្យសម្បត្តិបានកាន់តែច្រើន មាសឬទ្រព្យសម្បត្តិផ្សេងៗទៀតកាន់តែហូរចូលមក ហើយចំនួនមាសឬទ្រព្យសម្បត្តិកើនឡើងកាន់តែលឿន។

​មាសប្រាក់ ឬទ្រព្យសម្បត្តិដែលគាត់បានសន្សំទុក អាចរកមាសប្រាក់ឬទ្រព្យសម្បត្តិបានផ្សេងដ៏ទៃទៀត។

ក្បួនរកមាសឬទ្រព្យទី ២៖ មាសឬទ្រព្យវាអាចបង្កើតកូនឲ្យម្ចាស់ណាមានប្រាជ្ញា យកវាទៅប្រើប្រាស់ដើម្បីបង្កើតចំណូល ដូចសត្វជ្រូក ឬសត្វមាន់ សត្វទា អាចបង្កើតកូនបានយ៉ាងច្រើនដូច្នេះដែរ។
តាមពិតទៅ មាស ឬទ្រព្យសម្បត្តិដូចជាកម្មករម្នាក់ចឹងអញ្ចឹង គឺវាអាចបង្កើនចំណូលបានទ្វេដង។ ជនណាសន្សំ មាសឬទ្រព្យ​​ ទុក ពេលឱកាសមកដល់ ជននោះអាចប្រើវាដើម្បីបង្កើតផលចំណេញ។ ដូច្នេះនៅឆ្នាំបន្ទាប់ៗ មាសឬទ្រព្យនោះនឹងកាន់តែច្រើនកើនឡើង។

ក្បួនរកមាសឬទ្រព្យទី ៣៖ មាសឬទ្រព្យចូលចិត្ដរស់នៅជាមួយម្ចាស់ណាដែលប្រយ័ត្នប្រយែង ពិគ្រោះយោបល់ជាមួយអ្នកមានជំនាញ មុននឹងយកទៅវិនិយោគ ឬធ្វើជំនួញ។
មាសឬទ្រព្យសម្បត្តិចូលចិត្ដរស់នៅជាមួយម្ចាស់ណាដែលប្រយ័ត្នប្រយែងតែប៉ុណ្ណោះ ហើយវារត់ចេញពីម្ចាស់ណាដែលធ្វេសប្រហែស ឬអំនួត ឬខ្វះការអត់ធ្មត់។ ជនស្វែងរកការណែនាំពីអ្នកជំនាញក្នុងការប្រើប្រាស់មាស ឬទ្រព្យនិងចេះពីរបៀបប្រើប្រាស់មាសឬទ្រព្យនិងចេះពីររបៀបការពារទ្រព្យសម្បត្ដិរបស់ខ្លួន មិនឲ្យបាត់បង់ ព្រមទាំងអាចប្រើប្រាស់វាប្រកបដោយសុវត្ថិភាពថែមទៀតផង ដែលនឹងធ្វើឲ្យចំនួនមាសឬទ្រព្យរបស់ពួកគេចេះតែកើនឡើងជាប់មិនដាច់។

ក្បួនរកមាសឬទ្រព្យទី ៤ ៖មាសឬទ្រព្យរត់ចេញពីម្ចាស់ដែលយកវាទៅធ្វើជំនួញ ឬវិនិយោគដែលខ្លួនមិនចេះ ឬមិនមានបទពិសោធន៍ និងមិនបានពិគ្រោះយោគបលជាមួយអ្នកជំនាញ។
ជនណាមានមាសឬទ្រព្យ តែមិនមានជំនាញក្នុងការប្រើប្រាស់វា ងាយនឹងត្រូវគេទាក់ចិត្ដដើម្បិយកមាសឬទ្រព្យរបស់ខ្លួនទៅដាក់វិនិយោគឬធ្វើជំនួញដែលមើលទៅទំនងជាផ្ដល់ប្រាក់ចំណេញច្រើនហើយលឿន និងជារឿយៗមានហានិភ័យខ្ពស់ណាស់ក្នុងការបាត់បង់។ ប្រសិនបើអ្នកជំនាញពិនិត្យពីច្ច័យ ពួកគេនិងមើលឃើញថាការវិនិយោគឬធ្វើជំនួញបែបនេះមានឱកាសតិចតួចណាស់ដើម្បីបានប្រាក់ចំណេញ។ ដូច្នេះម្ចាស់គ្មានបទពិសោធន៍ ម្ចាស់មានជំនឿចិត្ដលើខ្លួនឯងពេកជាញឹកញាប់តែងតែមានការខ្វះចន្លោះក្នុងការសម្រេចចិត្ដ។ មនុស្សឆ្លាត មានប្រាជ្ញា គឺជាមនុស្សដែលវិនិយោគទ្រព្យសម្បត្ដិរបស់ខ្លួនបន្ទាប់ពីសុំយោគបល់ពីអ្នកជំនាញ។

 ក្បួនរកមាសឬទ្រព្យទី ៥៖ មាសឬទ្រព្យនឹងរត់ចេញពីម្ចាស់លោភលន់ បង្ខំវាឲ្យបង្កើតចំណូលពីមុខរបរដែលមិនអាចទៅរួច ឬម្ចាស់ដែលឆាប់ជឿសម្ដីមនុស្សបោកប្រាស់ ឬម្ចាស់ដែលជឿខ្លួនឯងពេករហូតប្រើប្រាស់វាក្នុងមុខរបរដែលខ្លួនគ្មានវិជ្ជាជីវ់ៈ ឬបទពិសោធន៍។ អារម្មណ៍នេះបង្វក់ចិត្ដរបស់គាត់ដូចត្រូវមន្ដអាគមន៍ឲ្យមានចិត្ដលោភលន់ និងចង់ឲ្យទ្រព្យសម្បត្ដិកើនឡើងដោយមធ្យោបាយទុច្ចតរិច។ ត្រូវចាំទុកថាមនុស្សឆ្លាត មានប្រាជ្ញា តែងតែមើលឃើញហានិភ័យជាឱកាសនៅខាងក្រៅមហិច្ចតា ដែលចង់ប្រើផ្លូវកាត់ ដើម្បីបង្កើនទ្រព្យ៕

            ហើយក្នុងនោះ លោកសមូហកបណ្ឌិត ឡី សុភាព បានផ្ដាំទៀតថា​ អ្នកប្រកបការងារនិងមុខរបរទាំងអស់ត្រូវប្រកាន់ខ្ជាប់អោយបាននូវកុំ៤យ៉ាង ទី១ .កុំប្រកបការងារនិងមុខរបរទាំងឡាយណាដែលខ្លួនគ្នានវិជ្ជាជីវៈ ឬ គ្មានបទពិសោធន៍ ទី២.កុំបង្កអោយអន្តរាយដល់ការងារ និងមុខរបរដែលកំពុងធ្វើ ទី៣ .កុំប្រកាន់គោលជំហរដាច់ខាតពេក មានន័យថាត្រូវចេះសម្របសម្រួល ទៅតាមពេលវេលា និងទីកន្លែង ទី៤.កុំរុះស្ពានដែលដើរ ឬ តោងមែកជាន់ធាងឡើយ