News Information

• NEWS_POSTED_BY: TITH SOMOEUN
• NEWS_POSTED_ON: Nov 30, 2022
• Views : 827
• Likes : 3
• Category : Business
• Description :

  ភ្នំពេញ៖ ឯកឧត្តមសមូហកបណ្ឌិត ឡី សុភាព​ ប្រធានសមាគមសម្ពន្ធភាព អង្គការ-សមាគម និងវិស័យឯកជន នៅកម្ពុជា និងជាប្រធានគណៈអចិន្ត្រៃយ៍ សមាគមសហពន្ធ័ពាណិជ្ជកម្ម តាមប្រពន្ធអេឡិចត្រូនិកកម្ពុជា បានប្រកាសគាំទ្រយ៉ាងពេញទំហឹង នូវការដាក់ចេញ គោលនយោបាយរបស់រាជរដ្ឋាភិបាល ពាក់ព័ន្ធនឹងវិស័យពាណិជ្ជកម្ម តាមប្រព័​ន្ធអេឡិចត្រូនិក ដោយអះអាងថា ការលេចចេញជារូបរាង នៃពាណិជ្ជកម្មតាមប្រព័ន្ធអេឡិចត្រូនិកកម្ពុជា ក្នុងបរិបទនេះ គឺសមស្របបំផុត ជាមួយរបត់កម្ពុជា ។

  

  ការលើកឡើងរបស់ឯកឧត្តមសមូហកបណ្ឌិត ឡីសុភាព ប្រធានសមាគមសម្ពន្ធភាព អង្គការ-សមាគម និងវិស័យឯកជន នៅកម្ពុជា និងជាប្រធានគណៈអចិន្ត្រៃយ៍ សមាគមសហពន្ធ័ពាណិជ្ជកម្ម តាមប្រពន្ធអេឡិចត្រូនិចកម្ពុជា ខាងលើនេះ ធ្វើឡើងក្នុងវេទិការផ្សព្វផ្សាយ​ និងពិគ្រោះយោបល់ ស្តីពីពាណិជ្ជកម្មតាមប្រពន្ធ័អេឡិចត្រូនិច កិច្ចការពារអ្នកប្រើប្រាស់ និងការប្រកួតប្រជែង ជាមួយវិនិយោគិន ពាណិជ្ជករ អាជីវករ ធុរកិច្ចទីផ្សារបណ្តាញ អ្នកជំនាញវិជ្ជាជីវៈ និងអ្នកប្រើប្រាស់ នៅហ្គ្រេនធើរ៉ាស នាថ្ងៃទី០៩​ សីហា ឆ្នាំ២០២២ ។

  ជាមួយគ្នានោះ លោកបានសង្កត់ធ្ងន់ថា វេទិកានាឱកាសនេះ ជាថ្ងៃបើកទំព័រប្រវត្តសាស្ត្រ សម្រាប់ពាណិជ្ជករទាំងឡាយ ដែលបានគាំទ្រ ពាណិជ្ជកម្មតាមប្រព័ន្ធអេឡិចត្រូនិក របស់រដ្ឋាភិបាលកម្ពុជា ។ យើងពួកដៃគ្នា ពង្រឹងពាណិជ្ជកម្មតាប្រព័ន្ធអេឡិចត្រូនិក សម្រាប់ខ្លួនយើង និងក្រុមគ្រួសារ រួមទាំងប្រទេសជាតិយើងទាំងមូល ។​ ការធ្វើពាណិជ្ជកម្មអេឡិចត្រូនិក នាពេលនេះ គឺជាពេលដែលល្អនឹងត្រឹមត្រូវបំផុត ដោយបានប្រកាសគាំទ្រ គោលនយោបាយរាជរដ្ឋាភិបាល ឌីជីថលពាណិជ្ជកម្ម​ តាមប្រព័ន្ធអេឡិកត្រូនិក​ ជាផ្លូវការចាប់ពីពេលនេះតទៅ។

  ជាមួយគ្នានោះ​លោកលើកឡើងទៀតថា ដើម្បីឲ្យការធ្វើពាណិជ្ជកម្ម តាមប្រព័ន្ធអេឡិចត្រូនិក សម្រេចទៅបានល្អ ត្រូវអនុលោមគោលនយោបាយ៤ ដើម្បីជម្រុញដល់យន្តការ របស់រដ្ឋាភិបាល មានរដ្ឋាភិបាលឌីជីថល សេដ្ឋកិច្ចឌីជីថល ប្រជាជនឌីជីថល ដោយក្នុងនោះត្រូវមាន៣ចំណុចជាធាតុផ្សំ នោះគឺ ផ្ត៣ (១ផ្តុំ ២ផ្ដើម និង៣ផ្តល់) ។

  ឯកឧត្តមសមូហកបណ្ឌិត ឡី សុភាព បានលើកឡើងថា ថ្ងៃនេះជាថ្ងៃប្រវត្តសាស្ត្រជាតិ ដែលស្ថាបនិករបស់ពាណិជ្ជកម្ម តាមប្រព័ន្ធអេឡិចត្រូនិក ចាប់ផ្តើមធ្វើមែនទែន ក្រោយពីមានច្បាប់ពាណិជ្ជកម្ម តាមប្រព័ន្ធអេឡិចត្រូនិក កិច្ចការពារអ្នកប្រើប្រាស់ និងច្បាប់ស្តីអំពីការប្រកួតប្រជែង ។ នេះជារបត់ថ្មីមួយសម្រាប់កម្ពុជា ដូច្នេះគឺយើងមានគោលនយោបាយសំខាន់ៗ៤ សម្រាប់ដាក់ជូន ព្រោះថ្ងៃនេះជាថ្ងៃ ដែលចាប់ផ្តើមធ្វើការផ្សព្វផ្សាយ និងពិគ្រោះយោបល់ ។

  លោកក៏បានឲ្យដឹងថា ពាណិជ្ជកម្មតាមប្រព័ន្ធអេឡិកត្រូនិកនេះ នៅមានអ្នកយល់ច្រឡំជាមួយ ការរកស៊ីតាមប្រព័ន្ធអនឡាន តែរវាងរកស៊ីតាមអនឡាន និងតាមប្រព័ន្ធអេឡិចត្រូនិក មានភាពខុសគ្នា មិនដូចគ្នាឡើយ ។ ដូច្នេះ ពាណិជ្ជកម្មតាមប្រព័ន្ធអេឡិចត្រូនិក គឺត្រូវធ្វើឲ្យត្រូវក្បួនខ្នាត កន្លងមកមិនទាន់ចំតាមប្រព័ន្ធអេឡិកត្រូនិកនោះទេ វាគ្រាន់តែជាការរកស៊ីតាមប្រព័ន្ធអនឡាញ ។ ប្រព័ន្ធអេឡិចត្រូនិក ជា System មួយដែលជាក់លាក់ មិនមានការបោកប្រាស់គ្នា ។

  

  ឯកឧត្តមសមូហកបណ្ឌិតបានធ្វើការបញ្ជាក់បន្ថែមថា “ដើម្បីសម្រេចទៅបាន គឺយើងត្រូវដើរលើគោនយោបាយ ៤ចំណុចធំៗ គឺ ទី១ គឺត្រូវបានរៀបចំ គោលនយោបាយច្បាប់របស់រាជរដ្ឋាភិបាល ដោយមានការអនុម័ត្តដំបូងគេបង្អស់ គឺច្បាប់ពាណិជ្ជកម្មតាមប្រព័ន្ធអេឡិចត្រូនិក ដើម្បីអោយទៅជាគោលមួយ ។ ទី២ យើងបានបង្កើតនូវច្បាប់ការពារអ្នកប្រើប្រាស់ ដើម្បីធានានូវទំនិញ សេវាកម្ម និងផលិតផលទាំងអស់ ឲ្យមានគុណភាព ។ ទី៣ ដើម្បីឲ្យស្មើភាពយើងបានបង្កើតនូវច្បាប់ ស្តីពីការប្រកួតប្រជែង ដើម្បីអោយស្មើភាពគ្នា​ នៃនិរន្តរភាពនោះ បន្ទាប់មកទី៤ ដាក់គោលនយោបាយ រដ្ឋាភិបាលឌីជីថលកម្ពុជា ហើយពួកយើងចាប់ផ្តើមអនុវត្ត បន្ទាប់មកទៀត គោលនយោបាយជាតិ ស្តីអំពីវិទ្យាសាស្ត្រ​បច្ចេកវិទ្យា និងនវានុវត្ត ដោយធ្វើយុទ្ធសាស្ត្រតាមប្រព័ន្ធអេឡិចត្រូនិកមួយទៀត ។

  ឯកឧត្តមសមូហកបណ្ឌិតបានឲ្យដឹងទៀតថា ពាក់ព័ន្ធនឹងគោលនយោបាយ គឺត្រូវបានរៀបចំរួចជាស្រេច ហើយក៏បានធ្វើកំណែទំរង ជាមួយក្រសួងស្ថាប័នពាក់ព័ន្ធផងដែរ​ ដែលបន្ទាប់ពីជួបពិភាក្សាគ្នា​ ជាមួយស្ថាប័នពាក់ព័ន្ធហើយនោះ ក៏ទទួលបានការគាំទ្រត្រឡប់មកវិញ សម្រាប់វេទិកានាឱកាសនេះផងដែរ ។

  យ៉ាងណាក៏ដោយ ឯកឧត្តមសមូហកបណ្ឌិតក៏បានឲ្យដឹងថា បន្ទាប់ពីរៀបចំសព្វគ្រប់ ទាំងគោលនយោបាយ ​ច្បាប់ អនុក្រឹត និងឱកាស ក៏នូវទាមទារឲ្យមាននូវការ ពង្រឹងនិងអភិវឌ្ឍធនធានមនុស្ស ដែលការអភិវឌ្ឍនេះ ត្រូវបានបែកចែកជា២ ក្នុងនោះទី១ ត្រូវបណ្តុះបណ្តាល ទាក់ទងនឹងបច្ចេកទេស ដែលការបណ្តុះបណ្តាលនេះ មានធាតុផ្សំ៥យ៉ាង និងទី២ អភិវឌ្ឍទៅលើគោលការណ៍ច្បាប់ និងរបៀបរបបការងារ ក្នុងន័យនេះលោកចង់បញ្ជាក់ថា ត្រូវពង្រឹងវិជ្ជាជីវៈ បណ្តុះបណ្តាលចំណេះដឹងអំពីច្បាប់ ត្រូវយល់ដឹងច្បាប់​ អំពីទីផ្សារ ត្រូវមើលប្រព័ន្ធច្បាប់ ហើយសិក្សាទាក់ទងនឹងច្បាប់ទាំងអស់ ទាំងច្បាប់ការធ្វើពាណិជ្ជកម្ម​តាមប្រព័ន្ធអេឡិចត្រូនិក និងគោលនយោបាយរបស់រដ្ឋាភិបាល ។

  គួរឲ្យដឹងថា នៅក្នុងបរិបទនៃបដិវត្តន៍ឧស្សាហកម្ម ៤.០ បច្ចេកវិទ្យាឌីជីថល គឺជាគន្លឺះដ៏សំខាន់ ក្នុងការជម្រុញភាពប្រកួតប្រជែង​ របស់សហគ្រាសពាណិជ្ជកម្ម និងដំណើរការអាជីវកម្ម ដែលរួមចំណែកដល់ ការលើកកម្ពស់ផលិតភាព បង្កើនការនាំចេញ បង្កើតការងារ និងជំរុញដល់កំណើនសេដ្ឋកិច្ចជាតិ ។ ដោយមើលឃើញពីចក្ចុវិស័យវែងឆ្ងាយ ក្នុងការចាប់យកការលានុវត្តភាព ពីបដិវត្តន៍ឧស្សាហកម្ម ៤.០ រាជរដ្ឋាភិបាលកម្ពុជា នីតិកាលទី៦ នៃរដ្ឋសភា បានរំលេចអំពី “ការរៀបចំខ្លួនសម្រាប់ការរីកចម្រើន​ នៃសេដ្ឋកិច្ចឌីជីថល និងឆ្លើយតបទៅនឹងបដិវត្តន៍ឧស្សាហកម្ម៤.០” ។ ក្រៅពីការឆ្លើយតបទៅនឹង​ក្របខ័ណ្ឌគោលនយោបាយ ស្តីពីសេដ្ឋកិច្ចឌីជីថល និងបដិវត្តន៍ឧស្សាហកម្ម ៤.០ យុទ្ធសាស្ត្រពាណិជ្ជកម្ម​ តាមប្រព័្ធអេឡិចត្រូនិក បានរៀបចំឡើង ក្នុងពេលវេលាដ៏ត្រឹមត្រូវ ស្របពេលដែលច្បាប់ ស្តីពីពាណិជ្ជកម្មតាមប្រព័ន្ធអេឡិចត្រូនិក៕