News Information

• NEWS_POSTED_BY: Jinny Chad
• NEWS_POSTED_ON: Nov 16, 2022
• Views : 361
• Likes : 1
• Category : Sports
• Description :

  កម្ពុជា​ឈ្នះ​បាន​មេដាយមាស​១​គ្រឿង ពី​ការ​ប្រកួត​កីឡា​ឃីកបុកស៊ីង (Kickboxing) វិញ្ញាសា Full Contact ទម្ងន់ ៥៧ គីឡូក្រាម នៅក្នុង​ព្រឹត្តិការណ៍​កីឡា​ស៊ីហ្គេម​លើកទី​៣១ ឆ្នាំ២០២២ នៅ​ទីក្រុង​ហាណូយ ប្រទេសវៀតណាម។

  ម្ចាស់មេដាយមាសទី១របស់កម្ពុជានេះ គឺកីឡាករប្រដាល់ ទូច រ៉ាឆាន់ ហៅ បឺត សង្សឹម បន្ទាប់ពីបានយកឈ្នះលើកីឡាករថៃ Arunno Sivapan នៅវគ្គផ្តាច់ព្រ័ត្រ កាលពីថ្ងៃទី១៣ ខែឧសភា។ នេះជាមេដាយមាសលើកដំបូងហើយសម្រាប់កម្ពុជា ក្នុងព្រឹត្តិការណ៍កីឡាស៊ីហ្គេម លើកទី៣១ ឆ្នាំ២០២២ នៅទីក្រុងហាណូយ ប្រទេសវៀតណាមនេះ។

  គិតត្រឹមល្ងាចថ្ងៃទី១៣ ខែឧសភា ម្សិលមិញ កម្ពុជាឈ្នះបានមេដាយសរុប៨គ្រឿង ក្នុងនោះ មេដាយមាស១គ្រឿង ប្រាក់៣គ្រឿង និងសំរិត៤គ្រឿង ឈរនៅចំណាត់ថ្នាក់ទី៨ក្នុងចំណោម១១ប្រទេស។

  ចំណែកប្រទេសវៀតណាមដែលជាម្ចាស់ផ្ទះស្ថិតនៅចំណាត់ថ្នាក់ទី១ ដោយឈ្នះបានមេដាយសរុប៥៦គ្រឿង ក្នុងនោះ មេដាយមាស ២៤គ្រឿង ប្រាក់១១​គ្រឿង សំរឹត ២១គ្រឿង និងតាមពីក្រោយដោយប្រទេសម៉ាឡេស៊ី ឥណ្ឌូនេស៊ី និងប្រទេសថៃ ខណៈប្រទេសទីម័រនៅមិនទាន់រកបានមេដាយ​មួយគ្រឿង​នៅឡើយទេ៕